തിരുസന്നിധിയിൽ അഭയം നൽകുക നാഥാ

തിരുസന്നിധിയിൽ അഭയം നൽകുക നാഥാ

(ഒന്നാം ചരണം)

തിരുസന്നിധിയിൽ അഭയം നൽകുക നാഥാ,

തിരുമുഖം കണ്ട് ഞാൻ ശാന്തി കണ്ടെത്താം 

കൈപിടിച്ചു നീ എന്നെ നടത്തിടണമേ,

കരുണാമയാ, നീയെന്നെ കൈവിടരുതേ.

(രണ്ടാം ചരണം)

ഇരുളിൻ വഴിയിൽ വെളിച്ചമായ് വരണമേ,

ഇടറുന്ന കാലുകൾ ബലപ്പെടുത്തണമേ.

കണ്ണീരിൻ തുള്ളികൾ തുടച്ചിടുന്നവനേ,

കർത്താവേ, എന്നും എൻ കൂടെയിരിക്കേണമേ.

(മൂന്നാം ചരണം)

പാപഭാരം നീക്കി പുതുജീവൻ നൽകണേ,

പരിശുദ്ധ സ്നേഹത്തിൽ എന്നെ നിറയ്ക്കണേ.

വിശ്വാസ ദീപം ഹൃദയത്തിൽ തെളിയിക്കേണമേ,

വഴിതെറ്റാതെ എന്നെ നീ നടത്തണമേ.

(നാലാം ചരണം)

സ്തുതിയും മഹത്വവും നിനക്കു അർപ്പിക്കാം,

ജീവിതം മുഴുവൻ നിനക്കായ് സേവിക്കാം.

തിരുസന്നിധിയിൽ നിത്യം വസിക്കണമേ,

എൻ യേശുനാഥാ, എന്നെ ചേർത്തിടണമേ.

ജീ ആർ കവിയൂർ 

16 07 2026

(തിരുവല്ല, കവിയൂർ)