ആധുനിക ധൃതരാഷ്ട്രന്മാർ

പുത്രമോഹത്താൽ അന്ധനായ് തീർന്നൊരു

ധൃതരാഷ്ട്രർ വാഴുമീ ലോകമിന്ന്;

അധികാരഗർവ്വത്തിലും ആയുധക്കൂട്ടിലും

അപരന്റെ നാശം കൊതിപ്പൂ രാജ്യം.

അസുരഭീമനെ തല്ലിത്തകർക്കുംപോലെ

അണുബോംബുകളാൽ കളിപ്പൂ ലോകം;

പ്രതികാരവാഞ്ഛയുടെ ക്രോധാഗ്നിയിൽ വെന്ത്

പ്രതിസന്ധിയിലാകുന്നു ഭൂമിയിന്ന്.

ഗാന്ധാരി തൻ കണ്ണുകെട്ടിയതുപോലെ

നേരുകൾ കാണാതെ ഭരണകൂടം;

അധർമ്മത്തിൻ പാതയിൽ യുദ്ധം നയിച്ചു

അഭയാർത്ഥിപ്രവാഹങ്ങൾ തീർത്തിടുന്നു.

വ്യാസന്റെ വാക്കുകൾ കേട്ടതുപോലെയീ

ഭൂമിയിൽ ശാന്തിതൻ മന്ത്രം വേണം;

വൈരമെല്ലാം വെടിഞ്ഞൊറ്റ കുടുംബമായ്

മാറട്ടെയീ ലോകമെന്നുമെന്നും.

ജി. ആർ. കവിയൂർ

03-07-2026

(തിരുവല്ല, കവിയൂർ)

ആത്മാവിഷ്കാരങ്ങള്‍