വാർദ്ധക്യത്തിലെ അപ്പം

വിശപ്പടക്കാൻ അപ്പമുണ്ട്,

മനമുണർത്താൻ സ്നേഹമെവിടെ?

വാർദ്ധക്യത്തിൻ വഴിയിലൂടെ

നടക്കാൻ തുണയാരുണ്ട്?

പൊൻപാത്രത്തിൽ വിളമ്പിയാലും

പരിഹാസം കൂട്ടിനുണ്ടെങ്കിൽ,

അമൃതമെന്നു തോന്നില്ലത്,

കണ്ണീരാകും ഓരോ ഉരുളും.

ഉണങ്ങിയൊരു അപ്പക്കഷണം

സ്നേഹത്തോടെ നീട്ടിയാൽ,

അതിലേറെ മധുരമുള്ള

വിരുന്നില്ല ഈ ലോകത്തിൽ.

കൈപിടിച്ചു കൂടെയിരുന്ന്

രണ്ടു വാക്കു ചൊല്ലിയാൽ,

വൃദ്ധഹൃദയം പൂത്തുലയും,

ജീവിതം വീണ്ടും പുഞ്ചിരിക്കും.

ഇന്ന് അവർക്ക് താങ്ങാകൂ,

നാളെ നാം ആ സ്ഥാനത്ത്;

സ്നേഹമാണ് വാർദ്ധക്യത്തിൽ

ഏറ്റവും രുചിയുള്ള അപ്പം.

ജീ ആർ കവിയൂർ

08-07-2026

(തിരുവല്ല, കവിയൂർ)

ആത്മാവിഷ്കാരങ്ങള്‍