പ്രണയാതുരം

പ്രണയാതുരം

വാക്കുകളല്ല ഇവിടെ കുറിക്കുന്നത്,

നെഞ്ചിൻ്റെ നേർത്ത തുടിപ്പുകളാണ്.

ലോകം ഇതിനെ എന്തുതന്നെ വിളിക്കട്ടെ,

ഭയമില്ലാതെ തുറന്നെഴുതുന്നു.

മൗനം പോലും വാചാലമാകുന്ന നിമിഷങ്ങളിൽ,

ഓർമ്മകൾ തനിയെ പാടിയ പാട്ടാണിത്.

ആ പ്രണയം സ്വന്തം മാത്രമാണ്.

ഇത് പതിവുകൾക്കെതിരായ വിപ്ലവമെങ്കിൽ,

അങ്ങനെ തന്നെയാകട്ടെ എന്ന് കരുതും!

അകലങ്ങളിലിരുന്നും ഹൃദയങ്ങൾ തമ്മിൽ,

അറിയാതെ നെയ്യുന്നൊരു അദൃശ്യനൂലാണിത്.

സത്യത്തെ സത്യമെന്നു വിളിച്ചു,

അതിൽ തെറ്റൊന്നുമില്ല ഈ കണ്ണുകളിൽ.

ഇരുളിൽ കരിഞ്ഞുപോകുന്ന ശലഭം പോലെ,

ഈ സ്നേഹത്തിൽ ഉരുകാൻ എന്നും ഒരുക്കമാണ്.

ജീ ആർ കവിയൂർ 

17 07 2026

(തിരുവല്ല, കവിയൂർ)