ചിന്തകൾ

ചിന്തകൾ

ഒരു വശം ആരോഗ്യത്തെ ഭയക്കുമ്പോൾ മറുവശം സമ്പത്തിൻ

ശൂന്യതയിൽ ചിന്തകൾ.

കുടുംബമെന്നയിമ്പം

തളർത്തുന്ന നിമിഷം.

സ്നേഹത്തിൻ ഘനം

നാം തേടുന്നു,

കൂട്ടായ്മയുടെ സ്പന്ദനം ഹൃദയത്തിൽ നിറയുമ്പോൾ ആശയങ്ങൾ പലതായ്

ചിതറി വീഴുന്നു.

പ്രപഞ്ചമൊരു വിസ്മയം

പ്രകൃതിതൻ കാഴ്ചകൾ

കാറ്റാൽ മന്ത്രിക്കുന്നു

ദുഃഖത്തിൻ നിഴൽ നിദ്രയെ കവരുന്നു.

സ്നേഹത്തിൽ കുളിർക്കാത്ത നാളുകൾ വേദനയാകുന്നു

അറിയാതെ കടന്നുപോകും ഓർമ്മകൾ കണ്ണീരണിയിക്കുന്നു.

ചിരിച്ചുകൊണ്ടു ജീവിക്കെ നിശബ്ദത

എന്നെ തേടുന്നു.

ജീ ആർ കവിയൂർ

21 07 2025