കാത്തിരിക്കുന്നു

കാത്തിരിക്കുന്നു

ഇരുളിൻ മറവിൽ തീർത്തൊരു സ്വപ്നം

ഇന്നും താളം തെറ്റുന്നു മനസ്സിലായ്

നിഴൽപോലെ കൂടെ കൂടിയ പാത

കരളിൽ പതിഞ്ഞു മറയാതിരിക്കുന്നു

വിരിയാതെ പോയ വാക്കുകളിലൂടെ

നിശബ്ദത പാടുന്നു ഓർമ്മകളായ്

കാലങ്ങൾ പൊഴിഞ്ഞുപോയാലും

ചിന്തകൾ മിഴിയിലൂടെ ഒഴുകുന്നു

മഴവില്ലിൻ നിറപാതയരികിലായ്

രാത്രികൾ പ്രതീക്ഷ ചുമക്കുന്നൂ

നിലാവിന്റെ മൗന പുഞ്ചിരിയിൽ

ഒരു നിമിഷം കാത്തിരിക്കുന്നു

ജീ ആർ കവിയൂർ

23 07 2025