Tuesday, January 12, 2016

ഓര്‍മ്മകള്‍ക്ക് മധുരം

ഓര്‍മ്മകള്‍ക്ക് മധുരം

മച്ചുണനെ നിന്നെ കാണാന്‍
മച്ചിന്മുകലേറി നിന്നപ്പോള്‍
മുഖത്തുമാങ്ങാ ചുണങ്ങുള്ള
ചുണ്ടിന്‍മേലെ പഴുതാര മീശയുമായി
പഞ്ചാര ചിരി തന്നു ഒളികണ്ണാല്‍
നോക്കിയകന്നത് നെഞ്ചിലിക്കിളി പടര്‍ന്നു

തഞ്ചത്തിലാരും കാണാതെ നിന്‍
ലാഞ്ചന എന്തെന്ന് അറിഞ്ഞു ഞാന്‍
ലജ്ജാവിവശയായി നിന്നപ്പോള്‍
ലക്കോട്ടിലയച്ച എത്രയോ കത്തുകള്‍
അറിയാതെ ഞാന്‍ അങ്ങ് ഓര്‍ത്തുപോയി


മുല്ലമലര്‍ മാലയെനിക്ക് നല്‍കി
മഴവില്‍ വര്‍ണ്ണമാര്‍ന്ന കുപ്പിവള തരാമെന്നും
മുട്ടിയുരുമ്മി മഴയത്തുയൊരു കുടകീഴില്‍
മാന്‍ മിഴി കണ്ണിലാരും കാണാതെ
മുത്തം തരാമെന്നു കുറിച്ച വരികള്‍

ഇന്നു നീ കണ്ടാല്‍ കാണാത്തപോലെ
ഇമയടച്ചു  കടന്നകലുന്നതെന്തേ
ഇപ്പോഴുമെന്‍ മനസ്സിനുള്ളില്‍
നീയാണ് തീയാണ് ആരോടു പറയും
ഇല്ല ആരുമറിയേണ്ട ഉള്ളിലോതുക്കുന്നു
















2 comments:

ശ്രീ said...

കവിത കൊള്ളാം :)

[അക്ഷരത്തെറ്റുകള്‍ തിരുത്തുമല്ലോ]

Cv Thankappan said...

കത്തെല്ലാം പഴഞ്ചനായി പോയല്ലോ!
നല്ല വരികള്‍
ആശംസകള്‍