കേൾക്കാമെങ്കിൽ കേൾക്കുക

കേൾക്കാമെങ്കിൽ കേൾക്കുക,

ഉണ്ടിവിടെ മിടിക്കുന്നൊരു ഹൃദയം,

അതിന്റെ സിരകളിൽ ഒഴുകുന്നു

വാക്കുകളായ് ചില സ്വപ്നങ്ങൾ.

താളുകളിൽ അവ വിടരുന്നു,

അക്ഷരപ്പൂക്കളായ് മെല്ലെ,

മനസ്സിന്റെ മുറ്റത്തിരുന്നൊരു

മൗനഗാനം പോലെ.

വേദനയുണ്ടെങ്കിൽ വരികളാകും,

സ്നേഹമുണ്ടെങ്കിൽ പുഞ്ചിരിയാകും,

കണ്ണുനീരിന്റെ നനവിലൂടെയും

കവിതയായി പിറന്നീടും.

പറയാതെ പോയൊരു വാക്കും,

പറയാനാകാത്തൊരു നോവും,

തൂലികത്തുമ്പിൽ വന്നുചേരും,

നിശ്ശബ്ദമായൊരു പാട്ടായി.

കേൾക്കാമെങ്കിൽ കേൾക്കുക,

ഈ വരികളിൽ ഞാനുണ്ട്;

അക്ഷരങ്ങൾക്കിടയിൽ നോക്കിയാൽ

എന്റെ ഹൃദയമിടിപ്പുമുണ്ട്.

രചന: ജീ ആർ കവിയൂർ

27-09-2026

(തിരുവല്ല, കവിയൂർ)

ആത്മാവിഷ്കാരങ്ങള്‍