ഓർമ്മകളുടെ സുഗന്ധം

ഓർമ്മകളുടെ സുഗന്ധം

വിരിയുന്ന പൂക്കളെ തേടി വരും വസന്തം,

കൊഴിയുന്ന നേരത്ത് വഴിയാകും ശൂന്യം;

കൂടെ നിന്ന കാലം മറന്നുപോയാലും,

മനസ്സിൽ സുഗന്ധമായ് ഓർമ്മകൾ മിച്ചം.

പുലരുന്ന രാവുകൾ പകരും പ്രതീക്ഷ,

അകലുന്ന സന്ധ്യകൾ തരുമൊരു നൊമ്പരം;

പിരിയുന്ന വഴിയിൽ പാദമുദ്രകളായി,

പിന്നെയും ജീവിതം തേടുംൊരു യാത്ര.

കൊഴിഞ്ഞൊരു പൂവിലും നിറമുണ്ടാകും,

കഴിഞ്ഞൊരു കാലത്തിൻ കനവുണ്ടാകും;

തളർന്നൊരു ഹൃദയം പുഞ്ചിരിച്ചാലും,

തഴുകുന്ന കാറ്റിൽ വിരഹമുണ്ടാകും.

കാലത്തിൻ കൈകളിൽ മാഞ്ഞുപോയാലും,

കാണാതെ പോയൊരു സ്നേഹത്തിൻ നിഴൽ;

മറക്കുവാൻ ശ്രമിച്ച നിമിഷങ്ങളൊക്കെയും,

മനസ്സിന്റെ താളത്തിൽ പാട്ടായി മാറും.

രചന: ജീ ആർ കവിയൂർ

16 -09-2026

(തിരുവല്ല, കവിയൂർ)