വഴിയോരത്തെ പേരാൽ

വഴിയോരത്തെ പേരാൽ

എത്രയോ കാലങ്ങൾ, എത്രയോ കാറ്റുകൾ,  

പോയ വഴികളിൽ വീണ നിഴലുകൾ...  

ആരും കാണാത്ത വേരുകൾ പോലെ  

മൗനത്തിൽ പടരുന്നൊരാത്മഭാവം.  

ഇലയനക്കങ്ങളിൽ തങ്ങിനിൽപ്പൂ  

നേർത്തൊരു കാറ്റിൻ തലോടൽ മാത്രം;  

പെയ്യാതെ പോയൊരു മഴയുടെ ഓർമ്മയിൽ  

പാതയോരത്തു വെറുതെ നിൽക്കാൻ  

ഇനിയൊരു വാക്കിന്റെ കൂട്ടുവേണ്ട.  

കണ്ടുതീർത്ത വെയിലുകൾ, ഏറ്റുവാങ്ങിയ മഴകൾ—  

തണലായ് പടർന്നുനിന്ന നാളുകളുടെ  

അവശേഷിപ്പുകളിൽ തെളിയുന്ന  

ശാന്തമായൊരു സ്വയംതിരിച്ചറിവ്.  

ജീ ആർ കവിയൂർ  

16 09 2026  

(തിരുവല്ല, കവിയൂർ)