ജീവിതവേഷം

ജീവിതവേഷം

കാലം നൽകിയ കോലം

കെട്ടിയാടുകയല്ലാതെ

മറ്റെന്തുണ്ട് വഴിയിവിടെ?

നിഴലും വെളിച്ചവും മാറിമറിയും

ഈ ജീവിത നാടകവേദിയിൽ,

നരച്ച താടിയും തെളിഞ്ഞ കണ്ണുകളും

വരച്ചുകാട്ടുന്നതോ—

ജീവിച്ചുതീർത്ത വഴികളുടെ ആഴം.

ചിരിയുടെയും നെടുവീർപ്പിന്റെയും

അളവുകൾ കൊണ്ടുതീർത്ത

ഈ വേഷപ്പകർച്ചകൾക്കിടയിൽ,

മനസ്സിന്റെ മഷിക്കൂപ്പിൽ നിന്നും

മായാതെ നിൽക്കുന്നു ചില വരികൾ.

തിരശ്ശീല വീഴുന്ന നേരം വരെ

ചുവടുകൾ പിഴയ്ക്കാതെ,

കാലം കുറിച്ച താളത്തിൽ

ആടുകയല്ലാതെ...

അനുഭവങ്ങളുടെ തീരത്തുനിന്ന്

ചിരിയോടെ നോക്കിനിൽക്കുകയല്ലാതെ...

ജീ ആർ കവിയൂർ  

17 09 2026  

(തിരുവല്ല, കവിയൂർ)