മഹാഭാരതത്തിലെ മഹായോദ്ധാക്കൾ — കർണ്ണനും അർജുനനും

മഹാഭാരതത്തിലെ മഹായോദ്ധാക്കൾ — കർണ്ണനും അർജുനനും

സൂര്യതേജസ്സോടെ നദിയിലൊഴുകിയെത്തി,

കവചകുണ്ഡലങ്ങളോടെ കർണ്ണൻ പിറന്നു;

അമ്മയുടെ കൈവിട്ടു വിധിയുടെ വഴിയിൽ,

അപരിചിതനായി ജീവിതം തുടങ്ങി.

ഗുരുക്കന്മാർ തള്ളിയിട്ടും തളർന്നില്ലവൻ,

പരശുരാമനിൽനിന്ന് ആയുധം പഠിച്ചു;

വില്ലാളിയാകുവാൻ കഠിനമായി പൊരുതി,

വീരതയുടെ പാതയിൽ മുന്നേറി നിന്നു.

ജാതിയുടെ പേരിൽ പഴികൾ കേട്ടവനും,

ദുര്യോധനനിൽ സൗഹൃദം കണ്ടെത്തിയവനും;

നൽകിയ വാക്കിനുവേണ്ടി ജീവൻ മറന്നവൻ,

ദാനവീരനായി ലോകത്തിൽ നിന്നവൻ.

മറുവശത്ത് പാണ്ഡവരിൽ അർജുനൻ വളർന്നു,

ഗുരുവിൻ ശിക്ഷണത്തിൽ മികവു നേടി;

കൃഷ്ണൻ തേരാളിയായ് കൂടെ നിന്നപ്പോൾ,

ഗാണ്ഡീവമേന്തി ധർമ്മയുദ്ധം ചെയ്തു.

ലക്ഷ്യത്തിൽ മാത്രം കണ്ണുറപ്പിച്ചവൻ,

അസ്ത്രവിദ്യയിൽ മികവിന്റെ കൊടുമുടി തൊട്ടു;

കൃഷ്ണന്റെ വാക്കുകൾ ഹൃദയത്തിൽ ചേർത്ത്,

യുദ്ധഭൂമിയിൽ വീരനായ് മുന്നേറി.

ഒരുവശം കണ്ണീരിൽ തീർന്നൊരു കർണ്ണൻ,

മറുവശം ധർമ്മവഴിയിൽ നിന്നൊരു അർജുനൻ;

മഹാഭാരതത്തിന്റെ രണ്ട് മഹായോദ്ധാക്കൾ,

കാലം കഴിഞ്ഞാലും ഓർമ്മയിൽ നിലക്കും.

രചന: ജീ ആർ കവിയൂർ

27-09-2026

(തിരുവല്ല, കവിയൂർ)