രാക്കുയിലിൻ വിരഹഗാനം

രാക്കുയിലിൻ വിരഹഗാനം

കണ്മദപ്പൂവിൻ ഗന്ധവുമായ് വരും

കാറ്റേ, നീ കേട്ടുവോ രാക്കുയിലിൻ ഗാനം?

കദനമാർന്ന വിരഹത്തിൻ രാഗം പോലെ

കാതിൽനിന്നും കരളിലേക്ക് ആഴ്ന്നിറങ്ങുന്നു.

മനസ്സിന്റെ തീരത്ത് നീ വന്നു നിന്നു,

മറഞ്ഞുപോയൊരു സന്ധ്യയായ് നീ മാറി,

നിലാവിൻ കണങ്ങളായ് ഓർമ്മയിൽ വീണു,

നിറമാർന്ന സ്വപ്നമായ് കണ്ണുകളിൽ തിളങ്ങി.

നിശാഗന്ധിപ്പൂവായി ഓർമ്മയിൽ നിറഞ്ഞു,

മറന്നുവെന്നെന്നോണം മൗനം പൂണ്ടാലും,

തഴുകിയൊരു കുളിർതെന്നലായ് നീയൊഴുകി,

തൊടാതെ പോയൊരു സ്പർശമായ് നീയുണർന്നു.

വിരിയാത്ത മോഹങ്ങൾ വീണുടഞ്ഞ രാവിൽ,

വിളിക്കാതെ വന്നൊരു സ്വപ്നമായ് നീ നിന്നു,

അകലെയാണെങ്കിലും അരികിലായ് തോന്നും,

അഴിയാത്ത മധുരനൊമ്പരമായ് ഉള്ളിൽ നീയുണ്ട്.

രചന: ജീ ആർ കവിയൂർ

14 -09-2026

(തിരുവല്ല, കവിയൂർ)