പൂജയ്ക്കെടുക്കാത്ത പൂക്കൾ

പൂജയ്ക്കെടുക്കാത്ത പൂക്കൾ പോലെ

അല്ലയോ, എൻ ജീവിതമെന്നു തോന്നാറുണ്ട്;

എങ്കിലും ഉള്ളിൽ തെല്ലും സന്ദേഹമില്ല,

ഓരോ ജന്മത്തിനും നിയോഗമുണ്ടല്ലോ.

സമ്മോഹനം മാറുമെന്നു തോന്നിക്കിലും,

സൗരഭ്യം ചുറ്റിലും പടരുന്നുണ്ടല്ലോ;

തിരഞ്ഞെടുത്തില്ലെന്നു കരുതിയാലും,

തന്നുടെയിടം പ്രകൃതി നൽകുന്നുണ്ടല്ലോ.

പൂവിനും പുല്ലിനും വേരിനും പോലും

പിറവിക്കു പിന്നിൽ പൊരുളുണ്ടല്ലോ;

കാണുന്ന കണ്ണിനപ്പുറം കാണുവാനായ്

അകക്കണ്ണൊന്നു തുറക്കണമല്ലോ.

വാടിയതെന്നു മാറ്റിനിർത്തിയാലും

വാസനയുടെ ഓർമ്മ മായുകയില്ല;

തൊടാതെ പോയൊരു നിസ്സാരതയ്ക്കും

തന്റേതായൊരു ധർമ്മമുണ്ടല്ലോ.

ആരാധനയ്ക്കായ് തിരഞ്ഞെടുത്തതെല്ലാം

മാത്രമല്ല മൂല്യമേറിയതാകുന്നത്;

അവഗണിച്ചൊരു ചെറുപുഷ്പത്തിനും

അർപ്പണത്തിൻ വിശുദ്ധിയുണ്ടല്ലോ.

പൂമ്പൊടിയും നാരും നുള്ളിക്കളഞ്ഞ്

സ്നേഹത്തോടെ നിന്നെത്തന്നെ

സമർപ്പിക്കുന്നു.

രചന: ജീ ആർ കവിയൂർ

21 -09-2026

(തിരുവല്ല, കവിയൂർ)

ആത്മാവിഷ്കാരങ്ങള്‍