ശാന്തലയം

ശാന്തലയം

ഈ ജീവകണം തേടുന്നു 

ജനിമൃതികൾ തൻ നോവ്,

ആത്മ പരമാത്മ ബന്ധങ്ങളുടെ

അഭേദ്യമാം സംയോജനം.

കാലപ്രവാഹത്തിൻ തീരങ്ങളിൽ

മാഞ്ഞുപോകും പാദമുദ്രകൾ,

മായ തൻ തിരശ്ശീല കീറി

ഉണരുന്നു നിർവൃതിതൻ ഭാവം.

പഞ്ചഭൂതങ്ങൾ തീർത്ത കൂടുവിട്ട്

ചിറകടിച്ചുയരും പ്രാണൻ,

അനന്തമാം പ്രപഞ്ചസത്യത്തിൽ

അലിഞ്ഞുചേരും ദിവ്യസംഗമം.

നിശബ്ദതയിൽ കേൾക്കും നാദം

വിശ്വമുണർത്തും പ്രണവമന്ത്രം,

തിരയുന്ന ബിന്ദുവിൽ നിന്നുമീ യാത്ര

സാഗരമായ് തീരും ശാന്തലയം.

ജീ ആർ കവിയൂർ  

18 09 2026  

(തിരുവല്ല, കവിയൂർ)