നന്മയുടെ വെളിച്ചം

നന്മയുടെ വെളിച്ചം

വായിച്ചറിഞ്ഞതെല്ലാം വാക്കുകളിൽ മാത്രം  

വാഴ്ത്തിപ്പാടിയാൽ ഫലമെന്തുണ്ടാകും;  

മറ്റുള്ളവനൊരു തണലായ് മാറുമ്പോൾ  

ജീവിതമതിന്റെ അർത്ഥം തെളിയും.  

പഠിച്ച പാഠങ്ങൾ പാതകളാകണം,  

പകുത്തു നൽകുമ്പോൾ പെരുമയാകണം;  

വീണുപോയവനെ ഉയർത്തുന്ന നിമിഷം  

മനുഷ്യജന്മത്തിൻ മഹത്വമാകും.  

പദവിയും പേരും മാഞ്ഞുപോകും,  

പൊൻനാണയങ്ങൾ മണ്ണിലുറങ്ങും;  

ഒരാളുടെ കണ്ണിലെ കണ്ണുനീർ തുടച്ചാൽ  

ഓർമ്മയിൽ എന്നും ആ നിമിഷം നിലക്കും.  

കാലം കടന്നാലും മായാത്തൊരു മുദ്ര  

കരുണയാൽ മാത്രം ഹൃദയത്തിൽ പതിയും;  

പറഞ്ഞതിലല്ല, ചെയ്തതിലാണല്ലോ  

മനുഷ്യൻ ലോകത്തിൽ അവശേഷിക്കുന്നത്.

രചന: ജീ ആർ കവിയൂർ

19-09-2026

(തിരുവല്ല, കവിയൂർ)