പ്രാചീന പ്രകൃതി

പ്രാചീന പ്രകൃതി

മേഘപ്പുറത്തുനിന്ന് തെന്നിയിറങ്ങും താരകക്കണങ്ങൾ

ഭൂമിതൻ മടിയിൽ വന്നുചേരും നേരം

തണുപ്പാർന്നൊരീ സ്പർശനം മനമുണർത്തും

പുതുജീവൻ ഹൃദയത്തിൽ നിറച്ചീടും

ചെറുചാലുകൾ ചിരിച്ചൊഴുകും വഴികളിൽ

പച്ചപ്പിൻ മേനി മിനുങ്ങിടും മലരുകളിൽ

ഇളംകാറ്റിനൊപ്പം പ്രകൃതി നൃത്തമാടും

കുന്നിൻ ചരിവുകളിൽ ഗാനമുണരും

മേഘപ്പുറത്തുനിന്ന് തെന്നിയിറങ്ങും താരകക്കണങ്ങൾ

ഭൂമിതൻ മടിയിൽ വന്നുചേരും നേരം

തണുപ്പാർന്നൊരീ സ്പർശനം മനമുണർത്തും

പുതുജീവൻ ഹൃദയത്തിൽ നിറച്ചീടും

കിളിക്കൂട്ടം മധുരഗാനം എങ്ങും പകരും

വയലിലാകെ പുത്തൻ സൗരഭ്യം പരക്കും

പ്രകൃതിയീ മണ്ണിൽ തൻ ഹൃദയം തുറക്കും

നന്മതൻ സന്ദേശം എങ്ങും വിളങ്ങും

പൂത്തുമ്പികൾ ചിറകുവിരിച്ച് പാറിപ്പറക്കും

കാട്ടുചോലകൾ തൻ മന്ദഹാസം പൊഴിക്കും

മണ്ണിലെ നോവുകൾ മാഞ്ഞുപോകും നേരം

വിണ്ണിലെ മാലാഖമാർ കാതോർത്തു നിൽക്കും

ജീവിതം പുതുമകൾതൻ നിറങ്ങളാൽ നിറയും

ഈ ഭൂമി കാരുണ്യത്തിൻ കാവ്യമായ് മാറും

ലാലാലാ... ലാലാലാ...

ഈ പ്രകൃതിതൻ സംഗീതം തുടർന്നുകൊണ്ടേയിരിക്കും

ജീ ആർ കവിയൂർ 

08 06 2026

( കവിയൂർ , തിരുവല്ല)