ചാത്തങ്കേരി അർദ്ധനാരീശ്വരാ

 

ചാത്തങ്കേരി അർദ്ധനാരീശ്വരാ

പല്ലവി

ചാത്തങ്കേരി അർദ്ധനാരീശ്വരാ തവ
ആത്മചൈതന്യമേ പാഹി പാഹി
ശിവശക്തിയൊന്നായ് വിരാജിക്കും
പരമകാരുണ്യനിധേ പാഹി പാഹി

ചരണം 1

സ്മരഹര ശങ്കര പാർവതീവല്ലഭാ
ശ്രുതിഗീതകം പാടുവാനെനിക്കും
സകലർക്കും സന്മതി നൽകിടുമേ
സർവഭൂതദയാനിധേ പാഹി പാഹി

സങ്കടങ്ങളകറ്റി സത്പഥം തെളിയിക്കണേ
സത്യധർമ്മമാർഗത്തിൽ നടത്തീടണേ
മനമലിനത നീക്കി കൃപ ചൊരിയണേ
മഹിതഗുണഗണങ്ങൾ നിറച്ചീടണേ

പല്ലവി

ചാത്തങ്കേരി അർദ്ധനാരീശ്വരാ തവ
ആത്മചൈതന്യമേ പാഹി പാഹി
ശിവശക്തിയൊന്നായ് വിരാജിക്കും
പരമകാരുണ്യനിധേ പാഹി പാഹി

ചരണം 2

ഗുരുദേവപ്രതിഷ്ഠാ ദീപ്തിയാൽ ഇവിടെ
ജ്ഞാനപ്രഭ പരത്തി നിലകൊള്ളുമേ
ശിവയും ശക്തിയും ഒന്നെന്ന സത്യത്തെ
ഹൃദയങ്ങളിൽ തെളിയിക്കുമേ

ഭവഭീതികളകറ്റി ശാന്തി തരണമേ
ദിവ്യജ്യോതി ഹൃദയത്തിൽ തെളിയിക്കണേ
ഭക്തവത്സലനേ എന്നും കാത്തീടണേ
അർദ്ധനാരീശ്വരാ പാഹി പാഹി

അവസാന പല്ലവി

ചാത്തങ്കേരി അർദ്ധനാരീശ്വരാ തവ
ആത്മചൈതന്യമേ പാഹി പാഹി
ശിവശക്തിയൊന്നായ് വിരാജിക്കും
പരമകാരുണ്യനിധേ പാഹി പാഹി

ജീ ആർ കവിയൂർ
16 06 2026
( തിരുവല്ല, കവിയൂർ)