വലക്കണ്ണികളിലെ ആയുസ്സ്

 വലക്കണ്ണികളിലെ ആയുസ്സ് 

ആഴക്കടലിൻ നീലിമയിൽ,

നീന്തിത്തുടിച്ചൊരു ചെറുജീവൻ.

ചെറിയൊരു ജന്മം, കൊച്ചുസുഖം,

അറിയാതൊഴുകും ജലകണിക.

മാടിവിളിച്ചൊരു വലക്കണ്ണിൽ,

വീണുപോയവന്റെ ആയുസ്സ്.

മനുഷ്യന്റെ കൈകൾ കവർന്നെടുത്തു,

ആ കൊച്ചു ജീവന്റെ സ്പന്ദനം.

പ്രകൃതി തൻ നിയമം വിചിത്രമല്ലോ,

ഒന്നു മറ്റൊന്നിൻ ആഹാരം.

ഇന്നവൻ പോയി, നാളെ നമ്മൾ,

എല്ലാം പ്രകൃതി തൻ ലീലകൾ.

വലകൾ ഉയരുമ്പോൾ തീരുന്നൂ,

ഒരു ചെറിയ മീനിൻ കഥയവിടെ.

വന്നുപോവുന്നീ ജന്മങ്ങൾ,

ഈ കടൽ പോലെ അനന്തമീ ലോകം.

ജീ ആർ കവിയൂർ 

03 06 2026

(തിരുവല്ല, കവിയൂർ)