കൊട്ടിയൂർ ശിവ ഭക്തിഗാനം

കൊട്ടിയൂർ ശിവ ഭക്തിഗാനം

 [പല്ലവി]

കാടിൻ നടുവിൽ വാഴും നാഥാ,

കണ്ണീർ പെയ്യും കൊട്ടിയൂരപ്പാ,

പാപങ്ങളൊക്കെയും തീർക്കണേ ദേവാ,

പാദങ്ങളിൽ ഞാൻ വണങ്ങിടുന്നേ.

കൊട്ടിയൂരപ്പാ ശങ്കര ഭഗവാനേ

കൊടിയ ദുരിതങ്ങൾ തീർക്കണേ 

 [അനുപല്ലവ]

ദക്ഷന്റെ യാഗഭൂമിയിൽ അന്ന്,

ദേവി സതിതൻ വിരഹവുമറിഞ്ഞ്,

താണ്ടവമാടിയ ശങ്കരൻ നീയെ,

താങ്ങായി കൂടെയുണ്ടാകേണമേ.

കൊട്ടിയൂരപ്പാ ശങ്കര ഭഗവാനേ

കൊടിയ ദുരിതങ്ങൾ തീർക്കണേ

[ചരണം 1]

വൈശാഖ തിങ്കൾ നാളുകൾ തോറും,

ഭക്തർ നിൻ സന്നിധി തേടിവരുന്നൂ,

ചെരിപ്പുകൾ മാറ്റിവെച്ചാ കാട്ടിലൂടെ,

നിൻ നാമമന്ത്രം ചൊല്ലിനടന്നൂ.

കൊട്ടിയൂരപ്പാ ശങ്കര ഭഗവാനേ

കൊടിയ ദുരിതങ്ങൾ തീർക്കണേ

[ചരണം 2]

വലിയൊരു ഗോപുരവാതിൽ നിനക്കില്ല,

പൊന്നിന്റെ മതിൽക്കെട്ടുകൾ തെല്ലുമില്ല,

മഴയും ചെളിയും നിറഞ്ഞൊരു മണ്ണിൽ,

മനസ്സാലെ നിന്നെ വണങ്ങിടുന്നൂ.

കൊട്ടിയൂരപ്പാ ശങ്കര ഭഗവാനേ

കൊടിയ ദുരിതങ്ങൾ തീർക്കണേ

[ ചരണം 3]

ദുഃഖങ്ങൾ പേറുന്ന നെഞ്ചകങ്ങൾക്ക്,

ശക്തിയും ശാന്തിയും നൽകുന്ന ദേവാ,

കണ്ണീരണിഞ്ഞൊരു ഭാവത്തിൽ നീയും,

കാരുണ്യമേകാൻ കാത്തിരിപ്പൂ.

കൊട്ടിയൂരപ്പാ ശങ്കര ഭഗവാനേ

കൊടിയ ദുരിതങ്ങൾ തീർക്കണേ

 [ചരണം 4]

ഓടിയെൻ സങ്കടം തീർക്കണേ നാഥാ,

ഓമല്ലൂർ വാഴും മഹേശ്വരൻ നീയെ,

കൊട്ടിയൂർ പുണ്യേശ ശംഭോ മഹാദേവാ,

കാത്തുരക്ഷിക്കണേ ഈ ദാസനെ.

കൊട്ടിയൂരപ്പാ ശങ്കര ഭഗവാനേ

കൊടിയ ദുരിതങ്ങൾ തീർക്കണേ

ജീ ആർ കവിയൂർ 

09 06 2026

( കവിയൂർ, തിരുവല്ല)