പകലിന്റെ അവസാന നിമിഷം

പകലിന്റെ അവസാന നിമിഷം

സൂര്യന്റെ മങ്ങുന്ന തെളിച്ചം,

ചക്രവാളത്തിൽ അലിഞ്ഞുനിന്നു.

പകലിന്റെ അവസാന നിമിഷം,

സന്ധ്യയുടെ കൈകളിൽ വീണു.

മരച്ചില്ലകളുടെ നിഴലുകൾ,

നീണ്ട പാതകൾ വരച്ചു.

പക്ഷികളുടെ മടക്കയാത്ര,

ആകാശത്തിൽ കുറിച്ചുപോയി.

ദിവസത്തിന്റെ തിരക്കുകൾ എല്ലാം,

മൗനത്തിൽ ലയിച്ചുപോയി.

പകലിന്റെ അവസാന നിമിഷത്തിൽ,

മനസ്സ് ശാന്തി കണ്ടെത്തി.

ജീ ആർ കവിയൂർ 

06 06 2026

(തിരുവല്ല,കവിയൂർ)