ചിന്തകളുടെ വലയിൽ

 ചിന്തകളുടെ വലയിൽ 

വേരിറങ്ങി കാടിറങ്ങി

നാടും നഗരവും വിട്ടിറങ്ങി

നിഴലുകൾ പടർന്നിറങ്ങി

നിദ്രയെല്ലാം പോയി നടുങ്ങി

നാഗങ്ങൾ ഇഴഞ്ഞിറങ്ങി

എല്ലാമറിയാതെ ഞെട്ടിയുണർന്നു...

ഇനിയും അനന്തതയുടെ

അപാരതയിൽ മിഴി നട്ടു,

ആ വെള്ളി വെളിച്ചത്തിലേക്ക് കണ്ണും നട്ട്,

ഉള്ളിലെ അന്തർ ദൃശ്യ ജാലകം തുറന്നു...

ഒരു ശലഭമായി ചിറകടിച്ചുയരാൻ നോക്കവേ,

ചിലന്തിയുടെ വലയിൽ കുടുങ്ങിപ്പോയൊരു

ചിത്രശലഭമായി മാറിപ്പോയല്ലോ എൻ മനം!

കൈവിട്ട് പോയൊരു ലാഘവ അവസ്ഥയിൽ,

ഇരുൾ ഗുഹ താണ്ടി ചേക്കേറാനൊരുങ്ങും ചിന്തകൾക്ക്-

വഴിയടച്ചു കൊണ്ടു ദാ, കണ്ണുകൾ അടയുന്നു...

ജീ ആർ കവിയൂർ 

27 06 2026

( തിരുവല്ല , കവിയൂർ)