വായന ദിനം

 വായനദിനം

പുസ്തകത്താളുകൾ തുറക്കുമ്പോൾ ചിന്തകൾ പൂക്കും,

അറിവിൻ വെളിച്ചത്തിൽ ജീവിതം തെളിയും.

സ്വപ്നങ്ങൾക്ക് ചിറകേകും അക്ഷരസഞ്ചാരം,

നന്മയുടെ വഴികാട്ടി എന്നും പഠനം.

കഥകൾ മനസ്സിൽ പുതിയ ലോകം തീർക്കും,

അനുഭവസമ്പത്ത് ഹൃദയത്തിൽ നിറയും.

സത്യത്തെ തേടുവാൻ പ്രചോദനം നൽകും,

വായന മനുഷ്യനെ ഉയരങ്ങളിലെത്തിക്കും.

ഗ്രന്ഥശാലയുടെ നിശ്ശബ്ദം ധ്യാനമാവും,

വിജ്ഞാനധാരകൾ ഉള്ളിൽ ഒഴുകിയെത്തും.

കാലത്തിന്റെ ചുവടുകൾ രേഖകളിൽ ജീവിക്കും,

സംസ്കാരപൈതൃകം തലമുറകളിൽ നിലക്കും.

ഭാവനയുടെ പൂന്തോട്ടം വാക്കുകളിൽ വിരിയും,

കൗതുകത്തിന്റെ വിത്തുകൾ മനസ്സിൽ മുളക്കും.

നേട്ടങ്ങൾ കൈവരിക്കാൻ കരുത്തായി മാറും,

ഓരോ ദിനവും പുതുപാഠം സമ്മാനിക്കും.

അക്ഷരസൗഹൃദം ഹൃദയങ്ങളെ കൂട്ടിയിണക്കും,

ചിന്താശക്തിക്ക് പുതിയ ദിശകൾ തുറക്കും.

വായനയുടെ മാധുര്യം ജീവിതം സമ്പന്നമാക്കും,

മനുഷ്യജന്മത്തിന് അതുല്യശോഭ പകരും. 

രചന

ജി ആർ കവിയൂർ 

19 06 2026

(തിരുവല്ല, കവിയൂർ)