മന്ഥരയുടെ വിധി

 മന്ഥരയുടെ വിധി

കേകയ രാജ്യത്തു നിന്നും വന്നൊരു ദാസി,

കൈകേയി തൻ നിഴലായ് വാണൊരു വൃദ്ധ.

അമ്മയില്ലാത്ത കുഞ്ഞിനെ പോറ്റി വളർത്തി,

അന്തഃപുരത്തിൽ സ്നേഹത്തണലേകി നിന്നു.

അയോധ്യ തൻ വീഥികൾ അണിഞ്ഞൊരുങ്ങുമ്പോൾ,

അഭിഷേക വാർത്തയവൾ കാതോർത്തു കേട്ടു.

രാമൻ നൃപനായാൽ ഭരതന്റെ ഗതിയെന്ത്?

മാതൃഹൃദയത്തിൽ ഭയത്തിന്റെ വിത്തു പാകി.

ചതുരംഗ കരുക്കൾ പോൽ വാക്കുകളപ്പോൾ,

കൗശലപ്പൊതിയായി രാജ്ഞിക്ക് നൽകി.

പണ്ടത്തെ രണ്ടു വരങ്ങൾ ഓർമ്മിപ്പിച്ചു,

കോപഗൃഹത്തിൽ അഭയം തേടാൻ പറഞ്ഞു.

സൂര്യവംശത്തിന്റെ സത്യപാലന മഹിമ,

ഭീഷണിയായി ദശരഥന്റെ മുന്നിലെത്തിച്ചു.

രാമന് കാനനവാസവും ഭരതന് രാജപദവും,

ആ രണ്ടു വരങ്ങളാൽ വിധി തിരുത്തിക്കുറിച്ചു.

വാഗ്ദാനങ്ങൾ അപ്പപ്പോൾ പാലിച്ചീടണം,

മാറ്റിവെച്ചാൽ ദുരന്തമെന്ന് കാലം ചൊല്ലി.

ഏഷണിക്കാരെ തിരിച്ചറിഞ്ഞ് അകറ്റിടേണം,

കുടുംബഭദ്രതയ്ക്കതെന്ന പാഠവും തന്നു.

പക്ഷേ, അധ്യാത്മരാമായണ പൊരുളിൽ നോക്കിയാൽ,

വാണിദേവി നാവിൻമേൽ വിളയാടിയ നിമിത്തം.

രാവണവധമെന്ന വിശ്വമംഗള കാര്യത്തിനായി,

ദൈവീക നിയോഗമായ് മാറിയൊരു കൂനവതി!

ജീ ആർ കവിയൂർ 

16 06 2026 

(തിരുവല്ല, കവിയൂർ)