പൂവും മാലയും

 പൂവും മാലയും

മണ്ണിൽ മുളച്ചു മലർന്നൊരു പൂവും,

വിണ്ണിൽ പടർന്നൊരു സൗരഭ്യവും,

പ്രകൃതി തൻ മടിയിൽ പിറവി കൊണ്ടൊരു

വിശുദ്ധമാം ഈ നന്മതൻ കാവ്യവും.

വാഴനാരാൽ കോർത്തു വെച്ചീടുമ്പോൾ,

വിരലുകൾ തൻ പുണ്യം ചേർന്നീടുമ്പോൾ,

പണമൊന്നു നൽകി മേടിച്ചീടിലും

അറിയുന്നില്ലാരും ആ കൺകളിൽ തെളിഞ്ഞീടും ഭക്തിയും.

മണ്ണും പ്രകൃതിയും ഒന്നായ്‌ ചേർന്ന്,

മനുഷ്യന്റെ കൈകളാൽ മാലയായ്‌ മാറി,

മൺമറഞ്ഞോർക്കായ് സമർപ്പണം ചെയ്യുമ്പോൾ

അതിൽ നിറയുന്നു മായാത്തൊരീ പുണ്യവും.

രചന

ജി ആർ കവിയൂർ 

19 06 2026

(തിരുവല്ല, കവിയൂർ)