പിണങ്ങല്ലേ എൻ തൂലികേ...(ഗാനം)
പിണങ്ങല്ലേ എൻ തൂലികേ...(ഗാനം)
ചിരിച്ച നാളും കരഞ്ഞ നേരും
ചേർന്നു നടന്ന കൂട്ടുകാരീ...
പറയാൻ മടിച്ച വാക്കുകളെല്ലാം
പാട്ടുകളാക്കി നീ തന്നു...
കണ്ണീരിൻ തുള്ളി വീണാലും
കവിതയായി നീ വിരിഞ്ഞു...
നെഞ്ചിനുള്ളിൽ മിന്നും സ്വപ്നം
നിറങ്ങളായി നീ കുറിച്ചു...
പിണങ്ങല്ലേ എൻ തൂലികേ...
പിരിയല്ലേ എൻ കൂട്ടുകാരീ...
എൻ മനസ്സിൻ മൗനമൊക്കെ
വരികളാക്കി നീ തരൂ...
പിണങ്ങല്ലേ എൻ തൂലികേ...
എൻ ഹൃദയത്തിൻ കൂട്ടുകാരീ...
എൻ ജീവിതത്തിൻ ഓരോ താളും
സ്നേഹമായി നീ നിറയൂ...
വെറും കടലാസിന് ജീവനേകി
നീലമഷിയായി നീ വന്നു...
എൻ ഹൃദയം കണ്ട വഴികൾ
വെളിച്ചമാക്കി നീ തുറന്നു...
കൊഴിഞ്ഞ നാളിൻ ഓർമ്മകളെ
പൂക്കളാക്കി നീ മാറ്റി...
എൻ യാത്രകൾ അവസാനിക്കില്ല
നീ കൂടെയുണ്ടെന്നോളം...
വാക്കുകൾക്ക് ജീവൻ നൽകാൻ
വെളിച്ചമായി നീ വരൂ...
സ്വപ്നങ്ങൾക്ക് ചിറകു വിരിക്കാൻ
സ്നേഹമായി നീ നിറയൂ...
എൻ മൗനത്തിൻ ആഴമറിയും
എൻ ഹൃദയത്തിൻ കൂട്ടുകാരീ...
എഴുതാത്ത ജീവിതത്താളിൽ
പ്രതീക്ഷയായി നീ നിറയൂ...
പിണങ്ങല്ലേ എൻ തൂലികേ...
പിരിയല്ലേ എൻ കൂട്ടുകാരീ...
ഞാനും നീയും ചേർന്നെഴുതും
ജീവിതത്തിൻ കാവ്യം...
പിണങ്ങല്ലേ എൻ തൂലികേ...
നീയാണെൻ വിശ്വസഖീ...
ഞാനും നീയും ചേർന്നെഴുതും
സ്നേഹത്തിൻ കാവ്യം...
ജീ ആർ കവിയൂർ
26 06 2026
( തിരുവല്ല, കവിയൂർ)
Comments