വിരഹ മഴ

വിരഹ മഴ 

പെയ്യാനൊരുങ്ങും മഴമേഘങ്ങളെ

നിങ്ങളും എന്റെ പോലെയാണോ

പ്രിയനുടെ ഓർമ്മയിൽ വിരഹ-

നോവിനാൽ മിഴി നിറക്കുകയോ?

അവനുടെ സ്മൃതികളാൽ ശ്വാസമെല്ലാം,

നിലക്കുമ്പോലെ മിഴിമങ്ങി കാഴ്ചകൾ

മാഞ്ഞുതുടങ്ങി കൈവിട്ടകന്നു നിദ്രയും,

സ്വപ്നമേ, ഇനിയുമിങ്ങു പെയ്യുമോ?

വർഷമേറെ നീണ്ടു പോയ വീഥിയിൽ,

വിരഹപൂവേ, നീയെവിടെയോ വിരിഞ്ഞു,

ഒരാശ്വാസമായ് മൊഴിയുന്നാരും കേൾക്കാതെയീ 

ഈ പ്രണയ ഗീതങ്ങളുടെ ശീലുകൾ

കണ്ണീരിന്റെ ഈ ദാഹം മാഞ്ഞിടും,

പ്രിയനെ മറക്കുവാൻ ആഗ്രഹിക്കുന്നോ?

ഇന്നലകളിൽ നിന്നോർമ്മയുണ്ടെങ്കിലും,

മഴയായി പെയ്യുന്നു മാനവും മനവും

ജീ ആർ കവിയൂർ

14 11 2024