ഹൃദയത്തിൽ മുറിവേൽപ്പിച്ച്" (ഗസൽ )

ഹൃദയത്തിൽ മുറിവേൽപ്പിച്ച്" (ഗസൽ )

ഹൃദയത്തിൽ മുറിവേൽപ്പിച്ചു

നീ മറഞ്ഞുപോയ താരമായി.

നീ പോയി എവിടെ,

ചന്ദ്രനും ചന്ദകാന്തവും

മേഘങ്ങളിൽ മറഞ്ഞുപോയി.

ശ്വാസങ്ങൾ മങ്ങിപ്പോയതുപോലെ,

നിന്റെ ഇല്ലായ്മയിൽ ഈ യാത്രയിൽ.

പാതകൾ ശൂന്യമായി തോന്നുന്നു,

ഒഴുകുന്ന നിമിഷങ്ങളിൽ നിന്റെ അഭാവം.

സ്വപ്നങ്ങളിലെ ചില്ലുകൂട്ടിൽ

നിന്റെ മുഖം തെളിയുന്നു.

ഹൃദയത്തിന്റെ ഓരോ കോണിലും

നിന്റെ പേരിന്റെ മാധുര്യം നിറഞ്ഞു.

ആ ദിനവും, ആ കൂടിക്കാഴ്ചകളും,

ഇപ്പോൾ ഓർമ്മകളിൽ മാത്രം ബാക്കിയാക്കി.

ഹൃദയം ഒഴുക്കിയ കണ്ണുനീരിലും

എന്റെ കഥകൾ എഴുതപ്പെട്ടു.

നീ എത്ര ദൂരെ പോയാലും,

എന്റെ ഹൃദയത്തിൽ നിന്റെ പേര് മരിക്കില്ല.

ഓരോ വരിയും നിറഞ്ഞു നിൽക്കുന്നു,

നിന്റെ ഓർമകളുടെ സാന്നിധ്യത്തിൽ.

നിന്റെ വേർപാടിന്റെ ദുഃഖം

പറയാൻ കഴിയാതെ 'ജി.ആർ.'.

എന്റെ ഹൃദയത്തിന്റെ കഥ

വീണ്ടും വീണ്ടും എഴുതപ്പെട്ടു.

ജി.ആർ. കവിയൂർ

19 11 2024