Wednesday, April 5, 2017

ഇനി നീ എന്നുവരും

Image may contain: sky, tree, outdoor and nature


ഇനി നീ എന്നുവരും
വസന്തം ചില്ലകളില്‍
തളിര്‍ക്കുമ്പോഴോ

പന്തലില്‍ പടര്‍ന്നു
മുന്തിരി വള്ളികളുടെ
കവിള്‍ തുടുക്കുമ്പോഴോ

പുഞ്ചിരിച്ചു നില്‍ക്കും
പൂവിന്‍ തേന്‍ നുകരാന്‍
വണ്ടുകള്‍ വട്ടമിട്ടു ചുറ്റുമ്പോഴോ

മലമുകളിലാകെ
ഇക്കിളി പടര്‍ത്തും
നീല കുറിഞ്ഞികള്‍ പൂക്കുമ്പോഴോ

ഇലപോഴിഞ്ഞു സങ്കടം
പേറും ചില്ലകളില്‍
മഞ്ഞിന്‍ പുതപ്പണിയുമ്പോഴോ

വരണ്ടു ഉണങ്ങിയ
ചില്ലകളില്‍ മഴമുത്തുകള്‍
മുത്തമിടുമ്പോഴോ


ഒരു നോക്ക് കാണാന്‍
കണ്ണുകള്‍ കൊതിയോടെ
കാത്തിരിക്കുന്നു

രോമാഞ്ചം പകരും
വാക്കുകള്‍ കേള്‍ക്കാന്‍
കാതോര്‍ത്ത് നില്‍ക്കുന്നു

നനഞ്ഞു ഒട്ടാന്‍
മധു നുകരാന്‍
ചുണ്ടുകള്‍ വിതുമ്പു

എവിടെ പ്രിയനേ
ഇനി വയ്യ വാക്കുകള്‍ക്കു
പോലും വിരഹം
ഇനി നീ എന്നാണു വരിക...!!

No comments: