Wednesday, April 19, 2017

ആശകള്‍

നിഴൽകടന്നു യൗവന പടികടന്നെത്തുമാ
നിലാവിന്റെ ചോട്ടിൽ വിരിവെച്ചനേരം
നിശാശലഭങ്ങൾ തിരിനാളത്തിൻ ലയമൊത്തു
നൃത്തമാടുന്നനേരം അറിയാതെ
നിറനിദ്ര  രാവായി മാറിടുന്നുവല്ലോ  
നിന്റെ തികട്ടുന്ന ഓർമ്മകളെന്നെ
നിനക്കാത്ത വഴിയേ കൊണ്ടുപോകുന്നു
നിലക്കാതെ നിത്യമിങ്ങനെ ജീവിതം
നിരങ്ങി നീങ്ങിയിരുന്നെങ്കിലെന്നാശിച്ചു
വ്യർത്ഥമാണീ മോഹമെന്നറിയുകിലും
ആശിപ്പാതിരിക്കാനാവുമോ മാനസം...!!

No comments: