"നിൻ സ്മൃതി ജാലകം തുറക്കുമോ"

"നിൻ സ്മൃതി ജാലകം തുറക്കുമോ"

നിൻ സ്മൃതി ജാലകമൊന്നു 

തുറന്നു നോക്കൂ , നാം പങ്ക് വച്ച

ദിനങ്ങളുടെ കുളിർമ ആവോളം 

നുകരുമ്പോഴെക്കും മനസിനു സുഖം 

നിൻ മന്ദസ്മേരത്തിൻ ചാരുതയാൽ

പിറന്ന അത്ഭുതമാകുന്നു പെട്ടന്ന്,

ചിറകു വിരിച്ചു പറന്നു വരും

വർണ്ണ വന ശലഭങ്ങൾ പ്രണയത്തിന്റെ തീരങ്ങളിലാകവേ.

ആ മനോഹര മൗനം കവിതയായി

നിന്റെ പേരിൽ വരച്ചിടും താളുകളിൽ,

ഓർമ്മകളുടെ കിനാവുപോലെ

വരികൾ എഴുതിടുന്നു ഇന്നും 

ഹൃദയത്തിലുടനീളം സ്നേഹത്തിന്റെ താളമായി.

ജീ ആർ കവിയൂർ

07 01 2024