ദേവീസ്തുതി ദളങ്ങൾ - 2

 ദേവീസ്തുതി ദളങ്ങൾ - 2 

ശങ്കര ഭാഷ്യത്തെ കണ്ടിയൂർ മഹാദേവ ശാസ്ത്രിയുടെ ഭാഷാ ഭാഷ്യമായ ശ്രീ ലളിതാ ത്രി ശതിമുൻനിർത്തി എന്റെ പരിമിതിയിൽ നിന്നും എഴുതാൻ ഉള്ള ശ്രമം ആണ് , തെറ്റ് കുറ്റങ്ങൾ  സദയം പൊറുക്കുക , അമ്മേ ശരണം ദേവി ശരണം , എന്റെ കുടുംബ ദേവതയായ പലിപ്ര കാവിൽ വാഴും ശ്രീ ഭദ്രക്കു മുന്നിൽ സമർപ്പിക്കുന്നു .

ശ്രുതി ദളം - 2 

സംപൂർണേ സംപൂജിതേ 

ചന്ദ്രക്കലകൾക്കധിപേ  

ഭക്തർക്കനുഗ്രഹം ചൊരിയും 

കലാവതിയേ നമിക്കുന്നേൻ 

ഓം കലാവത്യൈ നമഃ 6   

ഇഹലോക പരലോക സുഖദായിനി 

ജ്ഞാന സ്വരൂപിണി താമരാക്ഷി 

തവ നയങ്ങളിൽ തിളങ്ങും 

തേജസ്സു നല്കിയനുഗ്രഹിക്കണേ 

ഓം കമലാക്ഷ്യൈ നമഃ   7 

വേദാന്ത കാവ്യ വന്ദിതേ 

പാപങ്ങളെ ഹനിക്കുവോളേ  

ബ്രഹ്മവിദ്യാദായികേ 

ബ്രാഹ്മിണി നിത്യം സ്‌തുതിക്കുന്നേൻ   

ഓം ക‍ന്മഷഘ്ന്യൈ നമഃ 8 

മോക്ഷ രൂപിണി സാഗരനിലയേ 

മേഘരൂപിണി ജലദായികേ 

അമൃതസ്വരൂപിണി നിന്നെ ഭജിക്കുന്നേൻ 

അവിടുന്നെ കർമ്മോന്മുഖനാക്കണമേ 

ഓം കരുണാമൃത സാഗരായൈ നമഃ 9 

കല്പകോദ്യാനത്തിൽ 

കടമ്പു വൃക്ഷത്തിനിടയിൽ 

കാനന വാസിനിയമ്മേ 

കരചരണങ്ങളാളർപ്പിക്കുന്നേൻ പൂജ 

ഓം കദംബകാനനാവാസായൈ നമഃ 10 

ജീ ആർ കവിയൂർ 

24 .03 .2021 

300 / 5  = 60 ശ്രുതി ദളം - 2 / 60