സമ്മർദ്ദത്തിൽ തിളങ്ങുന്നവർ

ഒരേ ഖനിയിൽ പിറന്നവരല്ലേ നമ്മൾ,

ഒരേ മണ്ണിൽ വളർന്നവരല്ലേ നമ്മൾ,

നിന്നെ താഴിട്ടു ചവിട്ടുമ്പോൾ,

എന്നെന്തേ പൂട്ടിവെക്കുന്നു പൂട്ടറയിൽ?

കൽക്കരി ചോദിച്ചു വജ്രത്തോട്,

വേദനയോടെ മനസ്സു തുറന്ന്,

പുഞ്ചിരിയോടെ മറുപടി നൽകി,

സമ്മർദ്ദം നമ്മെ പരീക്ഷിക്കുന്നെന്ന്.

സമ്മർദ്ദം വന്നപ്പോൾ നീ തകർന്നു,

ഞാനതിൽ കരുത്താർജിച്ചു വളർന്നു,

വേദനയെന്നെ മിനുക്കിയെടുത്തു,

ലോകം എന്നെ നെഞ്ചിലേറ്റി.

ജീവിതം നൽകും പരീക്ഷണങ്ങൾ,

തളർത്താനെത്തും പ്രതിസന്ധികൾ,

തകരാതെ നേരിടുക നീ അവയെ,

തിളക്കമുണ്ടാകും നിൻ ജീവിതത്തിന്.

ജീ ആർ കവിയൂർ

19 10 2026

( തിരുവല്ല, കവിയൂർ)

ആത്മാവിഷ്കാരങ്ങള്‍