നീയേ എൻ അഭയം

നീയേ എൻ അഭയം

പല്ലവി

സ്വാർത്ഥത നിറയും ലോകത്തിൽ, ഭഗവാനേ നീയേ ശരണം,

മുഖങ്ങളെല്ലാം അന്യമാകുമ്പോൾ, നീയേ എൻ ആശ്രയം.

നിൻ തിരുനടയിൽ വന്നറിഞ്ഞു, സത്യമെന്തെന്നുള്ളം,

നിൻ പാദത്തിൽ ചേർന്നിടുമ്പോൾ, ശാന്തമാകും ജന്മം.

ചരണം 1

സ്നേഹമെന്നൊരു പൂമാലയിൽ, മുള്ളുകളേറെ കണ്ടു,

വിശ്വാസത്തിൻ കൈപിടിച്ചവർ, വഴിമാറിപ്പോകുന്നതു കണ്ടു.

കണ്ണീരൊപ്പാൻ ആരുമില്ലാതെ, തനിച്ചുനിന്ന നേരം,

കരുണയോടെ നീയരികിൽ വന്നു, തെളിയിച്ചെൻ ജീവിതം.

ചരണം 2

മോഹങ്ങളൊക്കെയും മാഞ്ഞിടുമ്പോൾ, മണ്ണാകുമീ മേനി,

മാനവും ധനവും മറഞ്ഞിടുമ്പോൾ, മായും ലോകമോഹവും.

നിന്നെ വിളിച്ചൊരു നേരം പോലും, വെറുതെയാകില്ലല്ലോ,

നിൻ തിരുനാമം ഹൃദയത്തിലുണ്ടെങ്കിൽ, ഭയമെനിക്കില്ലല്ലോ.

ജീ ആർ കവിയൂർ 

28 10 2026

( തിരുവല്ല, കവിയൂർ)