ജീവിതച്ചക്രം

ജീവിതച്ചക്രം

സന്തോഷവും സങ്കടവും മാറിമറിയുന്നു,

ജീവിതച്ചക്രത്തിൻ ഗതിവേഗങ്ങളിൽ,

താഴ്ചകൾ താണ്ടിയാൽ ഉയരങ്ങൾ കാണാം,

ദൂരക്കാഴ്ചകൾ മായക്കാഴ്ചകളാം.

ഇരുളിൽ തപ്പിനടന്ന കാലം കഴിഞ്ഞു,

വെളിച്ചത്തിൻ ദീപങ്ങൾ തെളിഞ്ഞുവല്ലോ,

നന്മകൾ നമ്മെ തേടിയെത്തുമ്പോൾ,

ബന്ധങ്ങളിൽ സ്നേഹം പൂത്തുലയുന്നു.

ശത്രുക്കൾ മിത്രങ്ങളായ് മാറിമറിയുമ്പോൾ,

ജീവിതയാഥാർഥ്യങ്ങൾ തിരിച്ചറിയാം,

കഷ്ടപ്പാടുകളെല്ലാം അകന്നുപോകുമ്പോൾ,

പുഞ്ചിരി തൂകിയൊരു പൂക്കാലമെത്തും.

മാറുന്ന ലോകത്തിൻ ഭാവങ്ങൾ കാണുമ്പോൾ,

കൂട്ടരുണ്ടെങ്കിലും തനിച്ചാകാം നമ്മൾ,

സ്വപ്നങ്ങൾ കണ്ടിനിയും മുന്നേറുക നാം,

ജീവിതം പകരുന്ന പാഠമിതല്ലോ.

ജീ ആർ കവിയൂർ 

24 10 2026

( തിരുവല്ല, കവിയൂർ)