കരുതലിന്റെ കൈയൊപ്പ്

കരുതലിന്റെ കൈയൊപ്പ്

വാക്കുകൾ മുറിവുകൾ തീർക്കുമ്പോൾ,

മൗനം മരുന്നായ് മാറിടുന്നു;

തളരുന്ന നേരത്തു താങ്ങായെത്തും,

കരുതലിൻ സ്പർശം കാവലാകുന്നു.

വിലകൂടിയ സമ്മാനങ്ങളിലല്ല,

വിടരുന്ന സ്നേഹം തെളിയുന്നത്;

വിതുമ്പുന്ന മിഴികൾ തുടയ്ക്കുമ്പോഴാണ്,

ഹൃദയങ്ങൾ തമ്മിൽ ചേരുന്നത്.

വീണുപോകുമ്പോൾ കൈതരുന്നവർ,

വിജയവേളയിൽ കൂടെ നിൽക്കുന്നവർ;

ഇരുളിന്റെ വഴിയിൽ വെളിച്ചമാകുന്നവർ,

ജീവിതപുണ്യത്തിൻ അടയാളങ്ങളാണ്.

കാലം മായ്ക്കാത്ത കൈയൊപ്പാണത്,

കണ്ണീരൊപ്പിയൊരു കരുതലിന്റെ മുദ്ര;

ലോകം മറന്നാലും മറക്കില്ലൊരിക്കലും,

തകർന്ന മനസ്സിനെ ചേർത്ത കൈകൾ.

ജീ ആർ കവിയൂർ 

24 10 2026

( തിരുവല്ല, കവിയൂർ)