നിറയാത്ത മനസ്സ്

നിറയാത്ത മനസ്സ്

എല്ലാം നേടി, എന്നിട്ടും ഉള്ളിൽ

എന്തേ നിറയാത്തൊരു ശൂന്യത?

ഓ ജീവിതമേ, നിൻ വഴികളിൽ

നീളുന്നു നോവിൻ വൈതരണികൾ...

മോഹങ്ങൾ പൂത്തൊരു പൂന്തോട്ടത്തിൽ

മൗനം തൂകുന്നൊരു സന്ധ്യയിൽ

കൈവന്ന സൗഭാഗ്യപ്പൊൻവെളിച്ചത്തിലും

കാണാത്ത നിലാവുണ്ട് അകതാരിൽ...

ചുണ്ടിൽ വിരിയുന്ന പുഞ്ചിരി പിന്നിൽ

നിറയുന്നു കണ്ണീർമേഘങ്ങൾ

സ്വപ്നങ്ങൾ നെയ്തൊരു പട്ടുനൂലിൽ

തേടുന്നു ശാന്തിതൻ മധുരരാഗങ്ങൾ...

എന്തിനു തേടി ഈ മായാലോകം?

എന്തിനു മോഹിച്ചു പൊൻവസന്തം?

നേടിയതെല്ലാം അരികിലുണ്ടായിട്ടും

മനസ്സിൽ വിരിയുന്നില്ലാത്മാനന്ദം...

ജീ ആർ കവിയൂർ 

28 10 2026

( തിരുവല്ല, കവിയൂർ)