അറിയാതെ

അറിയാതെ

അറിയാതെ, പറയാനുമാവാതെ,

കൺമുന്നിലുണ്ടായിട്ടും

കാണാതെ മിഴികൾ,

ഹൃദയം മന്ത്രിച്ച വാക്കുകൾ

കാതോർത്തു കേൾക്കാതെ...

വർഷങ്ങൾ ഒരുമിച്ചു

പിന്നിട്ടിട്ടും,

മനസ്സിലെ മധുരനോവ്

നെഞ്ചിലൊതുക്കി,

അരികിലിരിക്കുമ്പോഴും

അകലെയായ് ഹൃദയങ്ങൾ;

നഷ്ടവേദന നെഞ്ചിലേന്തി

കാത്തിരിപ്പു തുടരുന്നു...

ഓർമ്മകൾ പൂക്കുന്ന

നിശ്ശബ്ദരാവുകളിൽ,

പഴയൊരു ചിരിയുടെ

പ്രതിധ്വനി തേടി,

ചൊല്ലാനൊരുങ്ങിയതെല്ലാം

ചുണ്ടിൽ മരവിക്കുമ്പോൾ,

പറയാനാകാത്ത വികാരം

ഉള്ളിൽ തേങ്ങുന്നു...

നൂറ്റാണ്ടുകൾ മാറിയാലും,

കാലങ്ങൾ കടന്നാലും,

മാറുന്നില്ല ഏകാന്തതയിൽ

മനസ്സിൻ്റെ ചിന്തകൾ;

പങ്കുവയ്ക്കാത്ത മോഹങ്ങളും

പുറത്തുവരാത്ത മൗനങ്ങളും

ഹൃദയത്തിൽ കാത്തുവയ്ക്കും

അനുരാഗം എന്നും അനശ്വരം.

ജീ ആർ കവിയൂർ 

23 10 2026

( തിരുവല്ല, കവിയൂർ)