സ്വപ്നങ്ങളുടെ ജീവിതവഴിയിൽ

ചെളി കലക്കുന്നതും ജലം തന്നെ

തെളിമ പകരുന്നതും ജലം തന്നെ

പ്രയോഗഭേദത്തിൽ ഫലം മാറിടും

ജീവിതസത്യം നമ്മെ പഠിപ്പിക്കും.

ചിലരാൽ ഹൃദയത്തിൽ നോവുണരും

മറ്റുചിലരാൽ സാന്ത്വനം നിറയും

കൂടെ നടക്കുന്നവരെ തിരിച്ചറിയണം

നന്മ വിരിയുന്ന പാത തിരഞ്ഞെടുക്കണം.

ചുറ്റുമുള്ളവർ ദിശ മാറ്റിടും

ചിന്തകളിൽ പുതുവെളിച്ചം പകരും

തളർച്ച വിതയ്ക്കുന്ന ബന്ധങ്ങൾ വിട്ട്

ഉയർച്ചയേകുന്ന കൂട്ടത്തിൽ ചേരാം.

വീഴ്ചയിൽ താങ്ങായി കരങ്ങളേകാം

വഴിതെറ്റിയാൽ നേർവഴി കാട്ടാം

സ്നേഹവും കരുതലും കൈകോർത്താൽ

സ്വപ്നങ്ങൾ പൂക്കും ജീവിതവഴിയിൽ.

ജീ ആർ കവിയൂർ

24 10 2026

( തിരുവല്ല, കവിയൂർ)

ആത്മാവിഷ്കാരങ്ങള്‍