നിലനിൽപ്പിനായി ചിറക് വിടർത്തുക

നൊമ്പരങ്ങൾ ഒക്കെ

ഒളിപ്പിക്കുന്നതെന്തേ?

ഓളങ്ങളിൽപ്പെട്ട്

ഒഴുകിനടക്കുന്ന ജീവിതം.

ഭാഗ്യനിർഭാഗ്യങ്ങളുടെ

ആകത്തുകയായി മാറിയത്,

ഹസ്തരേഖകളെ നോക്കി

ഉരുകിയിട്ടെന്ത് കാര്യം?

ചിരിച്ച് തള്ളുക ഈ വക

ചിന്തകളൊക്കെ വീണ്ടും,

ചിതറിയവയൊന്നും

കാര്യമാക്കാതെ.

ഹൃദയത്തിൽ ഒരു ശാന്തി

പകർന്ന്,

പുതിയ വെളിച്ചത്തിൽ

ആശയങ്ങളുടെ ഗതിമാറും വരെ

നിലനിൽപ്പിനായി

ചിറക് വിടർത്തി ഉയരുക

വിജയലക്ഷ്യത്തോടെ.

ജീ ആർ കവിയൂർ

03 08 2026

( തിരുവല്ല, കവിയൂർ)

ആത്മാവിഷ്കാരങ്ങള്‍