Friday, May 20, 2016

അണ്ടനും അഴകൊടനുമെന്തു കാര്യം ..!!

അണ്ടനും അഴകൊടനുമെന്തു കാര്യം ..!!

തിടമ്പേറ്റി നെറ്റിപട്ടം കെട്ടി കുച്ചു
വിലങ്ങിട്ടു നടക്കാന്‍  ആനയും
കാശുവാങ്ങി തലേകെട്ടുമായി
കള്ള് കുടിച്ചു ആടാന്‍ ആനക്കാരനും

തല്ലുകൊണ്ട് അലറാനും
തമ്മില്‍ തല്ലി തേങ്ങുവാന്‍
ചെണ്ടയും ചേങ്ങലയും
കാശ് വാങ്ങി മടികുത്തില്‍
തിരുകാന്‍ മാരാനും

വണ്ടി വലിച്ചു നുരയും പതയുമായി
തല്ലുകൊണ്ട് ചന്തക്കു പോയി വരുമ്പോള്‍
കിട്ടുന്നതോ പുല്ലും പിണ്ണാക്കും മാത്രം
വണ്ടിയില്‍ കൊണ്ടുപോയി കൊടുത്തു വാങ്ങി
വന്ന വണ്ടിക്കാരന്റെ വയറുനിറയാതെ
ഉടമസ്ഥന്റെ  കീശ നിറയുന്നു

കരഞ്ഞും ചിരിച്ചും കാട്ടി എല്ലാവരെയും
പള്ളുപറഞ്ഞു കൈയടി  വാങ്ങി വരുന്ന
വാലും താത്തു നാക്കും നീട്ടി വരുന്നവനാം
മിമ്മിക്രി മാമന്റെ അവസ്ഥയോ കഷ്ടം
പാവം ഇനി ക്യൂബക്കാരനാക്കാന്‍ ഒരുക്കം
ഇനി ആരെങ്കിലും ഇതിനെ ചോദ്യം ചെയ്യ്താല്‍
അന്‍പത്തൊന്നു വെട്ടുവെട്ടി അവന്റെ വിധവയെ
തെരുവിലിറക്കി തല്ലു കൊല്ലാന്‍ വിടും പിന്നെ
എന്ത് പറയാന്‍ ഇനി എതുര്‍ക്കാന്‍ നിന്നാല്‍
എല്ലാം ശരിയാക്കും എന്ന് നേരത്തെ പറഞ്ഞില്ലേ
എന്ന് പറഞ്ഞു മുന്‍‌കൂര്‍ ജാമ്യം എടുത്തിട്ടുണ്ടല്ലോ ..
പാവം അണ്ടനും അഴകൊടനും ചെമ്മാനും ഒക്കെ
എന്ത് കാര്യം അവനു റേഷനരിയും പച്ചവെള്ളവും !!

No comments: