കുറും കവിതകള്‍ - 598

കുറും കവിതകള്‍ -598

വേനലിന്‍ വറുതിയില്‍
കുറുകുന്നു ദാഹം
ബലിക്കല്ലോളം..!!

പടിക്കലെ ഉറുമ്പുട്ടു
സഹജീവികളോട് കരുണ .
അരിപ്പൊടി കോലം സുന്ദരം ..!!

ഒരു വിളക്കിന്‍
ചെറിയ മിന്നിതിളക്കം
ഉള്ളില്‍ അറിയുകില്‍ ...!!

വേനലിന്‍ അറുതിയായി
തളിരിലയില്‍ തുള്ളിയിട്ടു
ആശ്വാസമായി മഴ ..!!

നാവിന്‍ മുകുളങ്ങളില്‍
നിറങ്ങളുടെ പൊലിമയായി
കടുകുമാങ്ങയുടെ രുചി ..!!

കത്തികയറുന്നുണ്ട്
കരുണയില്ലാതെ അഗ്നി .
മഴയെങ്ങിനെ വരും..!!

മേയ് അനങ്ങി
മേയ് അഴക്‌
മെയ് ദിനത്തില്‍ ..!!

വസന്തം വിരിഞ്ഞ
ചില്ലകളില്‍ നിന്നോടുള്ള
പ്രണയ പുഷ്പങ്ങളായിരുന്നു ..!!

ചുണ്ടാണിയിലമര്‍ന്ന
തള്ളവിരല്‍ നയിക്കുന്നു
ശാന്തമായി ഹൈക്കുവിലേക്ക് ..!!

ചൈതന്യം നല്‍കും
അതിന്ദ്രിയഗോചരമല്ലോ .
ധ്യാനാത്മകമീ ഹൈക്കു ..!!

ഇലക്കീറില്‍ കോര്‍ത്തു വച്ച
മുല്ലമലര്‍മാലയുടെ ആയുസ്സ്
ഒരു രാത്രിയോളം ...!


Comments

Popular posts from this blog

കുട്ടി കവിതകൾ

കുറും കവിതകൾ ഒരു ചെറു പഠനം - ജീ ആർ കവിയൂർ

“ സുപ്രഭാതം “