Monday, May 30, 2016

ഒരു പൂവിന്‍ കാത്തിരിപ്പു

ഒരു പൂവിന്‍ കാത്തിരിപ്പു

ഒരു കുഞ്ഞു പൂവിന്‍ കവിളില്‍ തലോടി
തെന്നല്‍ മെല്ലെ എങ്ങോ പോയി മറഞ്ഞു

മാഞ്ചുവട്ടിലെക്കോ മലര്‍വാക പൂക്കും കാട്ടിലെക്കോ
മഞ്ഞുരുകും നാട്ടിലേക്കോ മന്താരം വിരിയും തോപ്പിലെക്കോ

പൊന്‍ ഇളം വെയിലും വന്നു ചുംബിച്ചകന്നു
പൊന്‍ ആര്യന്‍ വിളയും വയലിലെക്കോ

ആകാശം മേലാപ്പില്‍ നിന്നും പൊഴിഞ്ഞോരാമഴ തുള്ളി
പൂവുടല്‍ മേലാകെ നനയിച്ചു മണ്ണിന്‍ മണം പകര്‍ന്നു

ചിറകടിച്ചു മൂളി പറന്നടുത്തോരാ തേനുണ്ട വണ്ടേ നീ അങ്ങ്
ചവുട്ടി അരച്ചങ്ങു പൂവുടലാകെ എന്നിട്ട് എന്തെ പോയി മറഞ്ഞു

ആരും നല്‍കാത്തോരാ സ്നേഹത്തിന്‍ മൃദു സ്പര്‍ശത്തിനായി
ആ മലര്‍ വാടിയില്‍ ആര്‍ക്കോവേണ്ടിയവള്‍ കാത്തിരുന്നു ....

No comments: