Monday, May 9, 2016

കുറും കവിതകള്‍ 606

കുറും കവിതകള്‍ 606

വിട്ടകന്നു പോയ
തൂവൽ തേടുന്നു
അക്ഷരചിന്തുകൾ ..!!  

പുൽപ്പടർപ്പിൻ
തുഞ്ചത്തിരുന്നു
ഇണകൾ പാടി പഞ്ചമം ..!!

അരുണിമ തേടും
മുകുളത്തിന്‍ തുടിപ്പ്
പ്രണയ പരവശം ..!!

ചികഞ്ഞു പെറുക്കി
വിശപ്പിന്‍ അന്നം തേടും
മാതൃഹൃദയം ..!!

നീലവാനിലെ
കിരണത്തിനു നേരെ
ദാഹവുമായി ശിഖര കൈകള്‍ ..!!

അമ്മ മാറില്‍
ചാഞ്ഞു ഉറങ്ങിയ കാലം.
സുഖസുന്ദര ഓര്‍മ്മകള്‍  ..!!

മനുഷ്യന്‍ തീര്‍ത്ത
അതിരിന്‍ മേലിരുന്നു
മറന്നു പാടി  കാക്കതമ്പുരാട്ടി ..!!

സ്വന്തം ദുഖങ്ങളെ
മറന്നു മക്കള്‍ക്കായി
പ്രാര്‍ത്ഥിക്കുന്ന നന്മയാര്‍ന്ന വെണ്മ ..!!

No comments: