Tuesday, May 31, 2016

അവസാനമില്ലാതെ

അവസാനമില്ലാതെ

കൈവിട്ടു പോയ രതിയുടെ
കുതിരയെ കീഴ്പ്പെടുത്താനാവാതെ
രാവിന്‍ നൊമ്പരങ്ങള്‍ ഏറ്റു കൂവുന്ന കൂമന്‍

നഷ്ടമായ കാമനകള്‍
പൂര്‍ത്തിയാവാത്ത
അലങ്കരിക്കാത്ത  കമാനങ്ങള്‍

പുകമറ സൃഷ്ടിക്കുന്നു
അറിയാത്ത വാക്കുകൾ
കsലു പോലെ തിരയടിക്കുന്നു

ആഴം അളക്കാനാവാത്ത ദുഃഖം
നനവുകള്‍ കനവുകളായി മാറുമ്പോള്‍
തളര്‍ച്ചയുടെ അടിമകളാക്കപ്പെടുന്നു

കാക്കപോലും
ഇറങ്ങാനാവാതെ
രാമഴതുടര്‍ന്നു വാശിയോടെ .

പുലരിയുടെ നേര്‍ത്ത വരവ്
ഞരക്കങ്ങലുടെ നിര്‍വചനം
വീണ്ടും നുകം പേറി യാത്ര

ജീവിതപ്പടിയിറങ്ങുന്നു
സുഖ ദുഃഖങ്ങളുടെ
ദീപാരാധനയോളം ..!!


No comments: