കുറും കവിതകള്‍ 615

കുറും കവിതകള്‍ 615

ഓലപന്തും
കുന്നിക്കുരുവും
കുറുമ്പ് കാട്ടിയൊരു ഓര്‍മ്മ ..!!


ചുട്ടു പൊള്ളും
മരുഭൂവിന്‍ സന്ധ്യ .
പ്രവാസ ദുഃഖ തീരം ..!!

കാറ്റ് മൂളിയകലും
മുളം കാട്ടില്‍
സംഗീതം ഉണര്‍ന്നു ..!!

കാറ്റിന്റെ നിശ്ചലത  
നിഴല്‍ പരത്തുന്നു .
ജീവനത്തിന്‍ വഴിത്താര ..!!

വിരല്‍ തൊട്ടു
വിരിയിക്ക താമരയെ
വഴിയകറ്റു അഴിമതിയെ ..!!

മനസ്സിന്‍ നൊമ്പരങ്ങള്‍
കാഴ്ചയുടെ നിറവില്‍
വിഷാദം അകലുന്നു ..!!

പ്രഭാത കിരണങ്ങള്‍
പുല്‍കിയുണര്‍ത്തുന്നു
കോണ്‍ക്രീറ്റ് കാടുകളെ..!!

മൗനം നിറച്ചു
ചിന്തകളുടെ വേഗത
ഒച്ചിഴയുന്ന തണുപ്പ് ..!!

മഴയുടെ നനവില്‍
വെട്ടേല്‍ക്കാതെ
റബ്ബര്‍ മരങ്ങള്‍ കാറ്റിലാടി !!

സിന്ദൂര സന്ധ്യ
ചുംബിച്ചകലുന്നു  കേരവൃക്ഷങ്ങളെ
രാവും ആലിംഗനത്തിനൊരുങ്ങി ..!!





Comments

Popular posts from this blog

കുട്ടി കവിതകൾ

കുറും കവിതകൾ ഒരു ചെറു പഠനം - ജീ ആർ കവിയൂർ

“ സുപ്രഭാതം “