Wednesday, May 4, 2016

കുറും കവിതകള്‍ 599

കുറും കവിതകള്‍ 599

ചിന്തകളുടെ ചുവടുകള്‍
വഴി മുറിച്ചു കടക്കുന്നു .
വരുന്നുണ്ട് നിഴലായി മരണം ..!!

മുല്ലപൂവുകള്‍ കുണുങ്ങിച്ചിരിച്ചു
മഷിയെഴുതിയ കണ്ണുകളില്‍
കരിമീന്‍ പാഞ്ഞു ..!!

മധുരമാം ഓര്‍മ്മകള്‍
പാറ്റി കൊഴിക്കുന്നുണ്ട്
ഇന്നും മനസ്സിന് പതിനാറു ..!!

അയ്യഞ്ചു വര്‍ഷത്തിലൊരിക്കല്‍
എത്ര ജല രേഖാ സ്വന്തങ്ങള്‍ .
അവസാനിക്കാത്ത കാത്തിരിപ്പ്..!!

അരിച്ചിറങ്ങുന്നു
പ്രത്യാശയുടെ കിരണങ്ങള്‍
സുപ്രഭാതം ..!!

തൊട്ടുതോഴുതു
മടങ്ങുമ്പോള്‍ മനസ്സില്‍
ഒരു ലാഘവാവസ്ഥ...!!

കുത്തരികഞ്ഞി
കോരികുടിച്ച പ്ലാവില-
കളിന്നുന്നോര്‍മ്മയില്‍ ..!!

ഓരോ വേനലും
ഓര്‍മ്മിച്ചകലുന്നു
എറിഞ്ഞു വീഴ്ത്തിയ മാങ്ങ ..!!

പടികടന്നു എത്തുന്ന
ഓരോ പദ നിസ്വനങ്ങളും .
നിന്റെ ആവട്ടെ എന്ന് ആശിച്ചു ..!!

ദാഹം ഏറുമ്പോള്‍
മനുഷ്യന്‍ രീതികളൊക്കെ
മറന്നു പോകുന്നു ..!!

ജലം എന്ന സമ്പത്ത്
സ്ത്രീക്ക് ധനമായി
കിട്ടിയിരുന്നെങ്കില്‍ .....!!

No comments: