കുറും കവിതകള്‍ 605

കുറും കവിതകള്‍ 605

എന്നിലെ നീയും നിന്നിലെ ഞാനും
നമ്മളുടെ  ചുടു നിശ്വാസങ്ങളും
പ്രണയാകാശം നിറക്കുന്നു ..!!

അമ്പിളിമാമനെ കാട്ടി
അമ്മ തന്ന പാച്ചോറിന്
ഓര്‍മ്മകളിലിന്നും മധുരം ..!!

സൂര്യ ചന്ദ്രന്മാരെയും
അച്ഛനെയയൂം കാട്ടിതന്ന
കണ്‍കണ്ട ദൈവമല്ലോ അമ്മ ..!!

എത്രയോ വഴി പിന്നിട്ടാലും
ആ ചെമ്മണ്‍പാതയില്‍
തിരികെ എത്താനാവാത്ത നഷ്ട ബാല്യം ..!!


ഇതളറ്റപൂവിന്‍
ഓര്‍മ്മയുടെ പിന്നാപുറത്തു
പ്രണയ നൊമ്പരങ്ങള്‍  ..!!


കണ്ണുകള്‍ ഉടക്കി മറഞ്ഞ
കല്‍പടവുകളിലെ നിമിഷങ്ങള്‍
ഇനി തിരികെ വരില്ലല്ലോ ..!!

ഓര്‍മ്മകള്‍ പൂത്തു കായിച്ചു
മധുരവും പുളിയുമായി
കുടമ്പുളിമര ചുവട്ടില്‍ ..!!

മനസ്സിന്റെ തളിരിലകളില്‍
മൊട്ടിട്ട തുഷാര ബിന്ദു.
നഷ്ട പ്രണയം ..!!

നിലാവിന്‍ ചാരത്തു
ചേക്കേറും ചില്ലകളില്‍
പ്രണയ മധുരം..!!

തലമുറകളെ കൂട്ടിയിണക്കും
അമ്മുമ്മ ഇന്ന് ഊമ.
കരുണാലയങ്ങള്‍ തേങ്ങുന്നു ..!!

ഒറ്റപ്പെടുന്ന മനസ്സു
തേടുന്നു തിരുവചനങ്ങള്‍
ജീവിത സായന്തങ്ങളില്‍ ..!!

Comments

Popular posts from this blog

കുട്ടി കവിതകൾ

കുറും കവിതകൾ ഒരു ചെറു പഠനം - ജീ ആർ കവിയൂർ

“ സുപ്രഭാതം “