Wednesday, May 18, 2016

കുറും കവിതകള്‍ 619

കുറും കവിതകള്‍ 619

പിണക്കം മാറാതെ മേഘം ..
കാറ്റിനോടൊപ്പം കേണു
മരകൊമ്പിലെ വേഴാമ്പല്‍

എണ്ണ വറ്റാത്ത കണ്ണുകള്‍
കാത്തിരുന്നു തളര്‍ന്നുറങ്ങി
പ്രഭാത കാറ്റു വീശി ..!!

പുതപ്പിനുള്ളിലേക്ക്
ചക്രവാള സൂര്യന്‍
രജനിയുടെ ആലിംഗനം..!!

രജനിയുടെ ആലിംഗനം..
നിലാവിന്‍ പുതപ്പില്‍
കനവുകള്‍ ഉണര്‍ത്തി ..!!

ഒരു കുടന്ന നിലാവ്
നക്ഷത്ര കണ്ണുകളില്‍
വിരഹത്തിന്‍ നനവ്‌ ..!!

അലയുമൊരു തെന്നൽ
തേടുന്നു ഒരു മണം
നിശാഗാന്ധി പൂത്തു ..!!

തെന്നലിന്റെ തേരില്‍
ഗന്ധർവ്വനെത്തി
പൂനിലാവ്‌ തെളിഞ്ഞു ..!!

നിറയെ പൂത്തിരിക്കുന്നു
പാലപൂക്കള്‍
അകലെ നിന്നും ഒരു ഗാനം ..!!

ഭയത്തിന്‍നിഴല്‍പ്പാട്
തിരകയറി ഇറങ്ങി .
പള്ളിക്കുട വരാന്തയില്‍

പേടിച്ചരണ്ട മാൻ മിഴി
ഇലയനങ്ങാതെ
കുലച്ചു നിന്നു അമ്പ്‌ ..!!

കഴുകന്‍ കണ്ണുകള്‍
കൊത്തി പറന്നു
അലറി കരഞ്ഞു അമ്മമനം..!!



 

No comments: