Saturday, May 31, 2014

സ്മരണാഞ്ജലി

സ്മരണാഞ്ജലി 

ഓരോ അണുവിലും തുടിപ്പു
എന്‍ ആത്മസംവേദനങ്ങള്‍ 
കാതോര്‍ക്കുന്നു എന്തിനുമെതിനും
കാണാ കാഴ്ചകള്‍ തേടുന്നു അകപ്പുറങ്ങളിലായി 
അറിയിലലാ കണ്ടിട്ടില്ല എന്‍ തലയുടെ പിറകിലും 
ഇല്ല എന്‍ അറിവുകളൊക്കെ പരിമിതം 
കേള്‍ക്കുന്നു വെങ്കിലും കണ്ടിട്ടില്ല 
ഇതുവരക്കും എന്‍ കാതുകളെ 
കാണുന്നതൊക്കെയോ വെറും ഛായാരൂപങ്ങള്‍
തീര്‍ത്തൊരു മായിക ലോകകാഴ്ചകളത്രെ
മിടിപ്പു ഹൃദയവും ഘടികാരവുമൊരുപോലെ
എന്ന് ഒടുങ്ങുമതിന്‍ തുടിപ്പുകളെന്നറിയാതെ
ഓര്‍ക്കാതെ മറ്റു അംഗുലിയങ്ങളെന്‍ നേര്‍ക്കുതന്നെ
അറിയുകില്‍ ഒന്നുമേ ഇല്ലയെങ്കിലും നടിക്കുന്നു
ഞാനെന്നയീ സംജ്ഞയെ ഉയര്‍ത്തി
സംജാതമാകും വിദ്വേഷങ്ങളെ മാത്രം
വിമര്‍ശന വഴികളിലുടെ ഏറെ ഖിന്നനായി
ഓര്‍ത്താലിത് വെറും സമയം പോക്കുകളല്ലോ
ഇല്ലയിനി ഞാന്‍ ഒന്നുമേ പറയുവാന്‍ ശക്തനല്ല
സ്മൃതികളില്‍ പുണ്യം തീര്‍ക്കുന്നു നിത്യം എന്‍ കനവുകളിലുടെ
ഒഴുകിയെത്തുമിനി ശേഷിച്ച എന്‍ സര്‍ഗ്ഗ ശക്തിയെ
കുറിക്കാനുള്ള മഷിയത്രയും കാവ്യദേവിയുടെ സ്മരണക്കുമുന്നില്‍

No comments: